#jou5 #aktivite2
#konkou #kreyòl #kwaaze

Enpòtans Kreyòl nan Devlopman Sosyal

Lang Kreyòl la gen yon plas enpòtan nan devlopman sosyal nan kominote ayisyen an ak nan dyaspora a. Devlopman sosyal mande patisipasyon tout moun. Lè nou itilize Kreyòl pou bay enfòmasyon oswa diskite sou sijè ki enpòtan pou kominote a, li kreye yon konneksyon direk ant moun yo. Pa egzanp, lè yo diskite sou sijè tankou sante piblik, edikasyon, dwa sivik, oubyen biznis nan lang Kreyòl, tout moun santi yo alèz pou pale ak patisipe. Sa fè enfòmasyon yo rive pi lwen e pi byen konprann.

Kreyòl Ogmante Aksè nan Sèvis Sosyal
Pou anpil Ayisyen, Kreyòl se lang natif natal yo, e li se lang ki pi fasil pou yo eksprime tèt yo ak konprann bagay konplèks. Pou devlopman sosyal, si sèvis esansyèl tankou sante, jistis, ak sekirite disponib an Kreyòl, plis moun ka rive jwenn èd yo bezwen. Lè doktè, avoka, ak reprezantan leta itilize Kreyòl, yo ogmante aksè ak konpreyansyon sou sèvis sa yo, sa ki ede moun pran desizyon ki gen enpòtans pou lavi yo.

Kreyòl nan Antreprenarya ak Ekonomi Sosyal
Lè moun itilize Kreyòl nan biznis ak antrepriz, sa bay plis moun opòtinite pou patisipe nan aktivite ekonomik. Pa egzanp, antreprenè ka sèvi ak Kreyòl pou eksplike pwodwi yo bay kliyan, fè pwomosyon, oubyen mennen anons piblik, ki fasilite koneksyon ak moun nan kominote a. Sa se yon fòm devlopman sosyal kote tout moun santi yo ka kontribye nan ekonomi lokal la.

Lè Kreyòl respekte epi itilize san prejije, moun yo santi plis fyète nan kilti yo epi yo devlope konfyans nan tèt li. Lè kominote yo bati sou respè pou lang ak kilti yo, devlopman sosyal rive pi fasil. Ayisyen santi yo gen plis valè lè yo ka eksprime tèt yo lib nan lang yo renmen an, e sa ranfòse solidarite ak angajman sosyal.

#konkou #kreyòl #kwaaze

Sous foto :Google

#jou5 #atik

Nan yon peyi kote ki gen plis pase onz milyon moun ki pale kreyòl, li plis ke enpòtan pou kreyòl la jwenn plas li nan tout nivo nan sosyete a, se vre Ayiti nou pale (2) lang Kreyòl ak fransè men malerezman se pa tout moun ki kapab kominike nan lang fransè a, e lè sa li t ap enpòtan anpil pou sa pa parèt sou fòm diskriminasyon lè moun nan chwazi pale avè w an kreyòl. Jodi a Ayiti yon moun ka pèdi yon travay jis paske se sèlman kreyòl li konn pale, malgre li gen tout kapasite ak entèlijans pou travay la, men li toujou yon chomè malgre li nan peyi l epi ofisyèlman tout moun konnen nou pale de lang Ayiti, Jodi a li enpòtan pou nou antre lang kreyòl la depi nan fòmasyon timoun nan lekòl pou jis li rive nan dènye nivo nan peyi a, konsa devlopman sosyal la ap ka fèt pi byen, nou kominike an kreyòl nou youn konprann lòt epi nou tout ap avanse san deranje lòt, li lè li tan pou jodi a malgre tout kapasite on moun genyen pou l paka travay a koz li dwe konn pale fransè san erè, li lè li tan menm jan ak tout lang pou kreyòl la jwenn plas li nan biwo leta yo, nan enstitisyon piblik tankou prive yo.

Yon Ayiti meyè ak lang kreyòl epi kilti lakay!


#konkou #kwaaze #kreyòl

Wikenn Dijital sou Kwaaze! Pran moman sa a pou aprann, konekte, epi prepare tèt ou pou chanjman dijital yo. Èske w pare pou monte nivo nan dijital?

Ki wikenn ou chwazi CHANPYON ?


#wikenn
#dijital
#eadigital
#kwaaze

#jou5 #aktivite3 #konkou #kreyòl #kwaaze

#kreyòlnankomès