#pòs
Jou4
Aktivite2


Atis ayisyen yo se poto mitan nan devlopman lang Kreyòl la!
Nan mizik, literati, pwezi, ak atizay, yo toujou sèvi ak Kreyòl pou eksprime kilti, eksperyans, ak rèv pèp la.
Depi bèl pawòl mizisyen yo, jiska pwezi ki fè n sonje rasin nou, atis nou yo pote limyè sou lang Kreyòl la, fè l tande toupatou.

Avèk chak vès, chak pwezi, chak penti, yo kontinye ranfòse eritaj nou, yo montre ke Kreyòl se lang richès ak kreyativite.
1Onè pou atis nou yo, ki fè lang nou rete vivan epi kontinye enspire jenerasyon kap vini yo!

#onèpouatisayisyen
#kreyòlnanatizay
#kwaaze #konkou #kreyòl

Jou4
Aktivite1
#pòs

Lang Kreyòl se yon bèl eritaj ki sòti nan melanj kilti ak istwa nou kòm pèp.
Nan moman esklavaj la, moun Afriken ki te depòte ann Ayiti te pote ak yo lang, koutim, ak lespri rezistans.
Nan lakou ak nan plantasyon, yo te kreye yon langaj ki pèmèt yo kominike, reziste, epi ede youn lòt. Se la Kreyòl te pran rasin, kòm yon lang fyète, yon lang eritaj, epi jodi a, li se yon zouti ki rasanble nou tout.

Pale Kreyòl, se fè onè ak istwa nou. Se selebre fòs nou kòm yon pèp ki toujou reziste, kèlkeswa obstak yo.
Ann kontinye kenbe rasin sa yo vivan, paske Kreyòl plis pase yon lang, se yon idantite!

#rasinkreyòl
#istwanoufòsnou
#kreyòlpoulavi

#konkou #kwaaze

Jou3
Aktivite2
#meme

Yon meme kreyatif ki ankouraje antreprenarya nan lang Kreyòl, ak mesaj "Ou vle reyisi nan biznis? Pale Kreyòl!" epi "Kreyòl fè ou konekte pi byen ak kliyan yo."
#kreyòl #kwaaze #konkou

Aktivite#4 jou 3
#kwaaze
#konkou
#kontni
#kreyol
#freepik

#langkreyolnanbiznis
Lang kreyòl ka sèvi kòm yon zouti puisan pou antrepriz yo atire ak angaje piblik sib yo, anplis mete an valè kilti ak idantite lokal la an valè.

Aktivite#3 jou 3
#kwaaze
#konkou
#kontni
#kreyol

Kreyòl la se yon lang ki chaje ak richès kiltirèl ak emosyon. Mwen sonje yon eksperyans kote mwen te itilize kreyòl pou konekte ak yon granmoun ki te bezwen èd. Li te gen yon ti difikilte nan li bib Kreyòl, men li te santi li te fyè poul fè lekti pou kont li .

Pandan n ap travay ansanm, mwen te itilize kreyòl pou eksplike l etap pa etap. Sa te pèmèt li santi l alèz, paske li te ka eksprime tèt li pi byen nan lang li.

Sa m aprann nan eksperyans sa a se pouvwa kreyòl la, ki pa sèlman yon lang, men yon zouti pou koneksyon ak kominote a. Li te ede nou kreye yon lyen ki te pi fò, e sa te fè tout diferans lan.

Aktivite#2 jou 3
#kwaaze
#konkou
#kontni
#kreyol
#freepik


Antreprenarya se yon domèn ki enpòtan anpil nan devlopman ekonomik ak sosyal. Li konsiste nan kreye, devlope, ak jere yon biznis oswa yon inisyativ ki gen pou objektif pwodwi yon sèvis oswa yon pwodwi pou satisfè bezwen kliyan yo. Nan lang kreyòl, nou ka di ke antreprenarya se yon fason pou moun yo pran inisyativ, sèvi ak kreyativite yo, e amelyore lavi yo ak kominote yo. Antreprenarya mande pou pran risk, paske tout biznis pa toujou reyisi, men sa ki enpòtan se aprann nan echèk yo.

Aktivite #1jou3
#kwaaze
#konkou
#kontni
#kreyol
Lang Kreyòl la se yon sijè ki enpòtan anpil. Kreyòl la, kòm yon lang ki rich nan kilti ak istwa, gen anpil potansyèl pou devlopman demen .
Pwatik lang kreyol ap kapab asire avni jenerasyon sa anan tout domèn.

#jou3 #aktivite1

#konkou #kwaaze #kreyòl #konpetisyon