AKTIVITE J-3 PWOMOSYON LANG KREYÒL
"YON EKSPERYANS PÈSONÈL KOTE KREYÒL EDE M GENYEN YON REYALIZASYON"

Mwen se yon fanm antreprenè kreyòl, nan kad aktivite antreprenaryal mwen entegre ak ekip ke m ap travay, Genyen yon dekouvèt sou yon kilti vejetatif natirèl ki se maskriti ki enpòtan anpil nan domèn kosmetik, endistriyèl, famasetik.

Gras ak demach rechèch ak inovasyon, ekip la konsakre an kreyòl epi konte reprezante nan aktivite pou kominote kreyòl la nan kèk kote nan mond lan, antrepriz la grosi nan chif dafè li epi promote richès sa nan lang reprezantatif sa ki se kreyòl.
Mèsi lavi, mèsi kreyòl !
#kwaaze#programenkibasyonankreyòl#lwilmaskriikreyòl#ministèkomèsakendistri

AKTIITE J-3 PWOMOSYON LANG KREYÒL
"LISTWA VA DI BYEN SOU AVNI LANG KREYÒL"
GEN PROGRÈ POU KREYÒL LA DEMEN !!

Yon lang ki konte 13 milyon moun k ap pratike l, se yon siy rekò pa rapò ak lòt lang.

Nan yon rapò inivèsite LAVAL fè sou ansanm lokitè kominote kreyòl la ( moun ki pale lang sa) Haiti poukont li konte 7 milyon pou epòk la, Matinik 380 mil, Gwadloup 425 mil, Sen Batèlmi 1000, Sen Lisi (Saint Lucie) genyen tou La Dominik 57 mil yo konte Luizyàn ( Louisiane) nan kominote a tou.

Otan kominote kreyòl la ap grandi se otan gen plis kwasans ak progrè pou lang kreyòl la. An 2016 nan peyi Kanada (Canada) zòn TORONTO genyen 4690 moun ki deklare lang sa kòm lang manman ak papa yo. Byen avan sa, nan lane 40, kominote ti antiy yo kreye ACRA ANTILLES kote antiyè reyini konesans yo pou progrè lang kreyòl yo pratike a.

Jodiya genyen anpil paj pwomosyon lang sa sou rezo sosyal yo, genyen kreyasyon platfòm aprantisaj ak pwomosyon tou, san bliye aktivite ki louvri rido sou lang kreyòl la nan la kilti, teyat elatriye...
Genyen avni pou kreyòl la !!!
#kaw#detaylakayontwitter#aka#kwaaze#tichèzbaalterpress#lequotidien#c3edition

#jou3 #aktivite4
#kreyòlpoubizniskwoke

#jou3 #aktivite1
Lang kreyòl la se youn nan pi gwo eritaj kilti ak istwa Ayiti. Malgre defi ak diskriminasyon li te fè fas pandan plizyè syèk, kreyòl la kontinye montre kapasite li pou li siviv ak devlope. Nan epòk nou ap viv la, kreyòl pa sèlman reprezante yon zouti kominikasyon, men li se yon motè pwogrè nan plizyè domèn enpòtan nan lavi sosyete a, tankou edikasyon, teknoloji, ekonomi, ak kilti. Nan tèks sa a, n ap egzamine ki jan kreyòl la ap pran plas li kòm yon lang ki gen yon avni solid, espesyalman nan sistèm edikatif, inovasyon teknolojik, ak pwomosyon kiltirèl. Nou pral wè kijan soutyen gouvènmantal, adaptasyon ak nouvo itilizasyon entènasyonal yo, ap kreye yon chemen klè pou kreyòl la fleri ak vin pi rekonèt ni anndan ni deyò peyi a.
 
 1. Edikasyon
Kreyòl la ap pran plis plas nan sistèm edikatif la Pou kounya yo distribiye anpil liv batize liv inik nan plizyè lekòl leta.
Gen kèk inisyativ, tankou Lekòl Kominotè ak pwogram alfabetizasyon an kreyòl, ki itilize lang lan pou pèmèt timoun yo aprann pi byen. Avèk plis itilizasyon kreyòl nan liv, zouti dijital, ak pwogram edikatif, lang lan ka ranfòse kapasite elèv yo .
 
 2. Teknoloji
Teknoloji ap ofri nouvo opòtinite pou lang kreyòl la avanse. Gen aplikasyon mobil, sitwèb, ak lojisyèl an kreyòl k ap ede fè lang lan vin pi aksesib nan mitan itilizatè yo.
Pa egzanp, aplikasyon  « Duolingo » ki entegre lang kreyòl la an patenarya avèk plizyè restoran ayisyen nan peyi etazini (Sous Gilles Justin sou Loop News) .
 Platfòm edikatif an kreyòl sou entènèt la tankou Kaw Academy  ke Mike Bellot kreye pou nou ka genyen bon jan konpetans solid nan domèn finans, jesyon pwojè ,enfòmatik  , ak resous dijital  sou biznis ak yon pakèt lòt domèn ki pèmèt itilizatè yo kominike epi jwenn enfòmasyon nan pwòp lang yo.
 Menm jan avèk platfòm Kwaaze ya ki ap ankouraje moun kreye kontni nan lang kreyòl la ak misyon pou mennen li sou fwontyè dijital.
 
 3.Avni nan  Ekonomi ak Biznis
Nan biznis lokal ak ekonomi, kreyòl se lang prensipal moun kominike.  Sitou ti antrepriz yo, yo itilize kreyòl pou yo jwenn plis konfyans nan men kliyan yo. Nan maketin yo itilize kreyòl nan anons ak kanpay piblisitè pou pwodwi lokal yo kapab plis atire epi li amelyore pwosesis lavant. Yon egzanp ki kle se pwomosyon pwodwi agrikòl, atizanal, ak sèvis lokal yo, kote kreyòl sèvi kòm lang esansyèl nan relasyon ant komèsan ak kliyan yo.
 
 4. Kilti ak Mizik
Kilti ayisyen an rich,  kreyòl jwe yon wòl esansyèl nan tout aspè li. Mizik ayisyen, tankou Konpa ak Rasin,  fè pwomosyon pou kreyòl la sou sèn entènasyonal la. Jan Mizisyen tankou defen Mikaben, Wyclef Jean, Friday  ak anpil  lòt atis ayisyen pote kreyòl nan mizik yo, sa kapab fè lang lan vin plis rekonèt atravè lemond. Kreyòl se lang ki itilize nan pwezi ak nan  videwo komedyen yo ki gen tout kalite nasyon kap konsome yo , ak festival ayisyen yo ki difize ak tout mond lan , sa ki fè li tounen yon fòs kreyatif ki vivan nan kilti a.
 
 5. Soutyen Gouvènmantal ak Lajistis
Soutyen gouvènman an gen yon gwo enpòtans pou pwomosyon lang lan ak avni li . Lwa ak règleman ki mande itilize kreyòl nan sistèm lajistis la ede asire tout moun gen aksè egal ego nan tribinal yo. Dokiman ofisyèl, tankou konstitisyon an gen vèsyon an kreyòl , epi sèvis piblik yo kòmanse adapte yo pou sèvi popilasyon an nan lang natif natal la. Sa fè lang lan vin yon zouti kominikasyon santral nan lavi sosyal ak administratif peyi a .
 
 6. Itilizasyon Entènasyonal
Plizyè Ayisyen ki gen yon prezans entènasyonal ap pote lang kreyòl la sou sèn mondyal la. Anplis mizisyen, atis, ak foutbolè ayisyen, gen enstitisyon entènasyonal ki kòmanse rekonèt enpòtans lang kreyòl la e menm gen kèk lekòl nan lòt peyi ki kòmanse entegre lang kreyòl la tankou « Rolling Green Elementary  School » yon lekòl nan « Boyton Beach »nan eta « Floride » ki pwopoze yon pwogram bileng kreyòl-anglè pou elèv li yo  (Sous Gilles Justin sou  Loop News) . Kreyòl ap itilize nan konferans mondyal, ak nan dyalòg sou dwa lengwistik ak kilti, sa ki ba li plis valè sou sèn entènasyonal la.
 7. Adaptasyon ak Kreye Nouvo Mo
Yon aspè esansyèl nan avni kreyòl la se adaptabilite li. Nouvo mo ap kreye nan domèn syantifik, teknolojik, ak sosyal. Pifò lang ki bezwen rete vivan dwe adapte yo ak chanjman modèn yo, e kreyòl montre yon gwo kapasite nan domèn sa a tankou lè nou itilize mo tankou "òdinatè", "telefòn", "imèl" an kreyòl. Lang lan kontinye ap evolye pandan li kenbe rasin kiltirèl li yo, sa ki asire avni li.
 
Avni yon lang depann de kapasite li pou li rete vivan atravè itilizasyon chak jou, adaptabilite, epi sipò estriktirèl, tankou soti nan gouvènman ak enstitisyon yo. #konkou #kreyòl #kwaaze

#jou3 #meme #kreyòl #kwaaze
●Pwomot antreprenarya
credit photo : pinterest

#konkou #kreyòl #kwaze


M Rele Bruno Giliana, Mwen se yon moun ki gen anpil lanmou pou literati, e depi toujou, mwen renmen li pwezi. Sa fè m devlope yon pasyon pou ekri pwòp tèks pa m. Men, sa pat ase pou mwen, paske mwen te toujou poze tèt mwen kesyon: Ki sa ekri a pral sèvi si yo pa janm pibliye li?,sitou lè mwen te santi mwen manke konpetans nan domèn sa a. Se konsa mwen te kite sa sou kote.

Lè pandemi kowona te frape, mwen te nan klas filo. Pou evakye estrès egzamen leta yo ki te retade, mwen te chèche yon objektif pou bay tèt mwen. Mwen te dekouvri" Inferno", yon jounal ki ofri elèv lekòl yo opòtinite pou pibliye tèks oswa pwezi yo. Mwen te di tèt mwen fòk mwen pwofite opòtinite sa a anvan m fini lekòl. Se konsa premye tèks kreyòl mwen an, "Sou Ban Lekòl", te pibliye nan jounal Inferno.

Eksperyans sa a te fè m kontinye ekri lòt tèks kreyòl ke mwen menm mwen te pibliye sou rezo sosyal yo. Sa te fè m kwè nan rèv mwen e pouse m kontinye fè sakrifis pou reyalize objektif mwen.

https://m.facebook.com/groups/....1752167398374904/per

Jou#3

kijan lang kreyòl ka rann pwomosyon pou antrepriz yo rive pi byen sou piblik sib yo?

Pou fè pwomosyon pou antrepriz yo rive pli byen sou piblik sib yo , l ap mande pou n itilize zouti kominikasyon yo pou lang kreyòl la kapab rann pwomosyon pou antrepriz yo rive pi byen sou piblik sib yo, pandan n ap itilize lang kreyòl la menm kòm lang natif natal nou .

Ekzanp : radyo

Jou#3 eksperyans pèsonèl mwen reyalize ak kreyòl la

Yon jou mwen panse fòme yon gwoup men m pakonn kòman m pwal fé fòmel se konsa mwen leve yon jou mwen kòmanse envite moun sak pral fè m plis reyalize gwoup sa ki pral tounen yon asosiyasyon se lang kreyòl la ki vin fè m , pa timid , ka pran desizyon , di mo m vle epi fè fòmasyon pou moun yo .
Sak enpòtan an mwen pa pran moun mete avèk mwen nan kòmansman an tankou nan envitasyon yo ak nan fòmasyon yo lang kreyòl la fè m alèz pou m reyalize tout sa m vle .
Se te yon bèl eksperyans.

Jou #3 pwomot antreprenarya nan lang kreyòl

Jounen jodiya pou fè pwomosyon pou antreprenarya a nan lang kreyòl , ou dwe reyalize konferans nan enstitisyon sosyal yo tankou lekòl, legliz , inivèsite yo, òganizasyon yo , asosiyasyon yo, gwoup jèn yo, epi mouvman yo elatriye ak sou rezo yo pou l rive jwenn tout kouch sou tè a .