Jou# 2
Yon pwofesyon se yon metye enpòtan nan vi a.
Aprann yon pwofesyon nan lang ou l ap pèmèt ou ale pli rapid epi pli vit. Aprann pwofesyon nan lang ou ap pèmèt ou pote yon pakèt chanjman ak inovasyon. Granmoun yo transmèt kouti a ak pitit yo san yo pat ale lekòl gras ak lang yo, yonn konprann lòt.
#kotefanatikbonboulyo
Nouvo Gwoup Sou Kwaaze: "Deba Foot an Kreyòl" – Tout Fanatik Foutbòl Byenveni!
Nou kontan prezante w nouvo espas diskisyon an nan lang Kreyòl: "Deba Foot an Kreyòl"! Se yon gwoup espesyalman kreye pou tout moun ki renmen foutbòl, k ap swiv match yo, epi ki vle pataje opinyon yo sou jwè, ekip, ak tout sa k ap pase nan mond foutbòl la, men nan lang nou, Kreyòl!
Si w se yon fanatik foutbòl e ou ta renmen fè tande vwa w nan deba cho sou match yo, analiz estrateji ekip yo, epi diskite sou pwochen gwo randevou yo, "Deba Foot an Kreyòl" se kote w dwe ye. Kote lang nou mete n ansanm, epi pasyon foutbòl la pran tout plas li!
Ansanm nou pral fè espas sa a tounen pi gwo kominote foutbòl k ap pale Kreyòl sou Kwaaze! Antre nan deba yo kounye a e vin pran plezi w nan pale foutbòl an Kreyòl.
Enskri kounye a epi pote avni foutbòl la nan lang Kreyòl!
#debafootankreyòl #footankreyòl #kwaaze#kreyòl
"Ann Pale Football "
Enpotans Lang kreyol la nan lavi'm?
Lang kreyol la vrèman enpotan paske li jwe yon kominikasyon Ak kolèsyal. Kreyol se lang ofisyèl peyi Dayiti e li se lang manman nou AK zansèt nou yo , Gen plizyè rezone yo paka jistifye pou kisa yo abandone yon lang ki si rich ke sa kreyol se yon lang pwolifik ki gen pwòp gramè li AK vokabikè li, malerezman anpil moun pa gen konsyans de sa yo prefere gen prejije sou lot lang tankou anglè AK fransè nan lide yap itil yo.
Anpil inyore ke kreyol Ayisyen gen yon enpak pozitif nan devlopman pèsonèl timoun yo,sou plan entèlektyèl, sosyal,edikatif e menm ekonomik.
Kreyol se dènye kòdon onbikal ki relayé nou AK patri nous. Pale kreyol se yon fason pou valorize kilti AK patrimwàn se pa pou anyen yo rele'l lang vivant.
Kreyol représente anpil bagay nan lavi'm li fè'm sonje rasin Mwen orijin Mwen AK ki kote'm soti. Se sak fè Mwen antanke kreyol dwe kenbe tet Mwen e ranje kò'm pou pitit Mwen ka Fyè ke yo se kreyol.
Sa map konseye yon paran Toujou fè timoun yo sonje kibo yo soti e rasin yo menmm si yo fèt aletranje
Lizay kominote kreyøl la!!
Eske se vre ?
#jou2 #aktivite1
Jan nou tout konnen l lan,mond nou an prèske totalman depann de travay teknolojik k'ap fèt nan mond lan e lang kreyòl ayisyen an se youn nan lang ki t'ap pi itil nan domèn sa a si yo te eksplwate'l gras ak kèk atou li genyen tankou:
1:FASILITE LI
Avèk yon gramè ki pa konplike ditou e ki pa gen anpil règ,lang kreyòl ayisyen an se youn nan lang ki pi fasil pou pale sou planèt.
2:ADAPTASYON LI
Youn nan gro atou ki fè fòs kreyòl ayisyen an se adaptasyon li,li gen kapasite pou li pran mo nan lòt lang pou li ba yo sans ak definisyon li vle sa ki t'ap vrèman itil pou inovasyon nou nan koze teknoloji
#kwaaze #konkou #kreyòl
#konkou #kreyòl #kwaaze
Anni se yon timoun ki toujou renmen salye Moun. Chak maten, lè l ap ale lekòl, li salye tout moun li rankontre nan katye a, epi lè l ap retounen, li salye yo ankò. Lè li al achte plizyè fwa nan yon jounen, li toujou salye moun yo ankò. Pami tout moun sa yo, te gen Madan Joz, yon vwazin ki pa t janm reponn salitasyon Anni. Men malgre sa, Anni pa janm sispann salye li.
Yon jou, kouzin Anni, Dalin, ki te vin pase jounen avè l, te remake kijan Anni toujou ap salye tout moun. Dalin di: Apa chak fwa ou pase ou salye moun yo ankò? Salitasyon ou genyen pou ou gaspiye? Sitou ak Madanm Joz ki pa janm reponn ou.
Anni, ak yon souri épi reponn li: Manman m toujou di m fòk mwen salye tout moun.
Yon maten byen bonè, pandan Anni te al pran dlo, pye l glise sou yon wòch epi li tonbe ansanm ak bokit dlo a ki te sou tèt li. Madan Joz, ki te fèk louvri pòt li, kouri vin ede Anni. Li leve l atè, ba li swen li bezwen, epi li mennen l lakay li. Madan Joz di paran Anni :M felisite nou pou jan nou leve pitit nou an. Se gras ak sajès li ke jodi a li toujou vivan. Chak fwa li wè m, li toujou salye m, menm si m pa janm reponn men mwen te toujou ap swiv li.
Respekte youn lòt se yon eritaj kiltirèl ki te fè pèp nou an jwenn valè nan je lòt nasyon. Se responsablite nou pou n kontinye kiltive sajès sa a lakay nou, paske respè se baz tout relasyon ki dire.
#pinterest
