Jou2
Aktivite4
#konkou #kwaaze #kreyòl

Baton an nan men w

Gen yon jèn gason nan yon ti bouk ki te toujou gen gwo rèv, men li toujou t ap plenyen paske li te kwè li pa t gen ase resous pou reyisi. Yon jou, pandan l ap mache nan zòn nan, li rankontre yon granmoun ki t ap penyen cheve blan li. Granmoun nan gade l epi li di: “Poukisa ou tèlman tris konsa?” Jèn gason an reponn: “Mwen gen rèv men mwen pa gen mwayen pou mwen fè yo reyalite.”

Gran moun nan souri epi li pran yon baton nan men l, li lonje li bay jèn gason an epi li di: “Baton sa a se mwayen ou bezwen an. Kounye a, ki sa ou pral fè avè l?” Jèn gason an gade baton an, li reponn: “Men li pa ka fè anyen pou mwen!” Granmoun nan ri epi li reponn: “Li pa baton an ki enpòtan, men se kijan ou deside itilize sa ki nan men w ki fè diferans.”

Jèn gason an te konprann mesaj la: tout moun gen yon kapasite, yon resous, oswa yon talan nan men yo. Se pa kantite sa ou genyen ki konte, men kijan ou itilize sa ou genyen pou avanse. Depi jou sa a, jèn gason an sispann plenyen epi li kòmanse fè tout sa li kapab ak mwayen li te genyen, epi ti pa ti pa li rive reyalize rèv li yo.

Moral: Chak moun gen yon bagay nan men yo, menm si li sanble piti. Si nou itilize sa nou genyen avèk detèminasyon, pa gen anyen ki ka anpeche nou reyalize rèv nou. Nou tout gen baton an nan men nou!