LAVIA AN VWAYAJ !!
PASE LÈZÒM AP PASE !!

KREYASYON AN BATI SOU REJENESANS
KIT PYEBWA, KIT ZANNIMO, KIT LÒM TOU.
KIYÈS LÒM YE?
KI REZON DÈT LÒM?
KI MISYON LI NAN KOSMOS LA ??
OPERASYON CHIRIJIKAL, BYENSEYANS POU OGMANTE TAN POU VIV.

TOUT SE BOBIN NAN LAKOU LASYANS KI CHITA SOU SA KI TE FÈT DEJA !!
RAPLE KE NOU PA ETÈNÈL VRE NAN LACHÈ !

IMANITE A KAPAB MANDE NOU REYANTREN NAN TETE LI !

***NOU TOUT SE PASAJÈ !!!
# ETAPLAVI#laj#tan#refleksyon

J8- AKTIVITE PWOMOSYON LANG KREYÒL
ANNOU REFLECHI ANSANM SOU PROGRÈ LANG KREYÒL LA !!
LANG KREYÒL LA AP FÈ TRAVÈSE LI !!

NAN LANE 1770 TE GENYEN YON PIBLIKASYON GRAMÈ KREYÒL KI TE FÈT PA J.M MAGEN .
LANG SA, JWENN ORIJIN LI DEPI NAN CHÈCHE KOMINIKE GRANGRAN PAPA NOU TE KONN FÈ DEPI LÈ YO TE NAN CHÈN ESKLAVAJ.

KONSA, GEN KREYÒL KI GEN BAZ ANGLÈ, EGZANP PA JAMAYIKEN YO, GENYEN KI GEN BAZ PÒTIGÈ, PANYÒL, FRANSÈ ELATRIYE.

LANE 1976 PRAL GENYEN YON KONGRÈ K AP KENBE CHAK ANE SOU LANG KREYÒL LA.

2014, AKADEMI LANG KREYÒL PRAL FÈ SUIT OFISYÈL TRAVAY LENGISTIK LA.

FÒK NOU TA WÈ JAN LANG SA FÈ LÒLÒJ NAN DOMÈN PWEZI, MIZIK, KILTI AK TRADISYON !

JOUNEN JODIYA, LANG KREYÒL AP MONTE PYEBWA DIJITAL LA !!
GENYEN PLATFÒM KI KREYE, GENYEN VILGARIZASYON LANG SA NAN YON LÒT NIVO !!

KISA NOU ESPERE POU LANG KREYÒL LA SOU 5 PROCHEN LANE YO ????
#kwaaze#kreyòl#langayisyen

J8-AKTIVITE PWOMOSYON LANG KREYÒL
" KREYÒL LA, PA DWE RETE DÈYÈ "

NOU KONNEN KISA KI FÈ FÒS AK FEBLÈS NOU KÒM NASYON KREYÒL ?

NOU KONNEN TOU KE NOU PA DWE TRIMEN JOUK NOU TONBEN NAN TROU POU YO AP RIDIKILIZE NOU KÒM PÈP?? PASE LANG KREYÒL NOU ANBA PYE?

NOU DWE BATAY !!
YON BATAY KI CHITA SOU TWA RÒCH DIFE LEDIKASYON .

YON LEDIKASYON POU KENBE KOMINOTE A DJANM REPOZE SOU YON SÈL LEKÒL / YON SÈL PÈP / YON SÈL PATRI / YON SÈL DRAPO / YO SÈL KILTI / YON LANG PRIYORITÈ POU YON KONSYANS PATRIYOTIK KI INIFYE, KI KONSEKAN !
#kominoteayisyen#pèp#kreyòl#kwaaze

ANNOU SELEBRE LANG KREYÒL !! J8- AKTIVITE PWOMOSYON LANG KREYÒL !

MWEN T AP NAVIGE SOU REZO SOSYAL YO, MWEN TE TONBE SOU ANONS KONKOU KWAAZE A, MWEN TONBE DANSE TANGO !!
OU KONN POUKI??
MWEN RENMEN EKRI KREYÒL ANPIL, MWEN PA RENMEN FÈ ERÈ LADANN EPI MWEN RENMEN LA KILTI AK LISTWA M TE WÈ AKTIVITE SA ALE NAN ENTERÈ M.

MWEN KOURI APLIKE EPI MWEN PRAL TONBE SOU YON TRAVAY EKSEPSYONÈL KE VANYAN K AP GIDE PLATFÒM KWAAZE A FÈ M FÈ !!

FÈ PWOMOSYON KREYÒL SE LANG LAN MEN SE TOUT SA KI MAKONNEN AK LI TANKOU : LISTWA, NASYON, KILTI, TERITWA, RICHÈS NASYONAL, MÈS AK KOUTIM.

SE PLIS KE RICHÈS, SE PLIS KE LÒ !!
#remèsiman#kwaaze#konkoukreyòl#pwomosyonlang#jounenlangkreyòl

J8- AKTIVITE PWOMOSYON LANG KREYÒL
"ENPAK SOSYAL LANG KREYÒL NAN KOMINOTE
M AP VIV "

JODIYA SE JOU SELEBRASYON LANG KREYÒL LA, SE PRESTIJ NOU KÒM PÈP AYISYEN, NOU DWE LEVE LI WO !!!
MWEN SE YON LIDÈ KOMINOTÈ, MWEN TRAVAY NAN TOUT DEPATMAN AK PLIZYÈ KOMIN, MWEN TRAVAY TOU AK DIVÈS SEKTÈ NAN LAVI NASYONAL LA, MEN MWEN GENYEN YON ATACHMAN LANMOU POU KOTE MWEN SOTI, MWEN KA EKRI L AN GRAN LÈT

"KWADÈBOUKÈ"
NAN PLÈN DI KIL DE SAK.

CHAK FWA MWEN NAN YON TÈT AKTIVITE, MWEN PA JANM ITILIZE LÒT LANG KE KREYÒL, MWEN TRAVAY AK PÈP, LÈ MWEN AP PALE AK YO NAN LANG KREYÒL M SANTI M ATERI, SITOU NAN KESYON Y AP POZE, SITOU JAN Y AP REYAJI.
LÈ MWEN SOU REZO SOSYAL AP PWOMOTE SIJÈ ENTERÈ KOMINOTÈ....AYAYAY !!! SE SA NÈT POU M PALE KREYÒL !!
ALA TI LANG SA !!
PA DI M LI FÒKÈ, PA DI M LI VILGÈ, PA DIM LI FRANSIZE, PA DI M LÒT BAGAY.
MWEN RENMEN FÈ TRAVAY LIDÈ MWEN AN KREYÒL !!