#jou3 #tach3 #kreyòl #kwaaze #konkou
#eksperyans
Mwen sonje premye fwa mwen deside vann ti pwodui sou entènèt, mwen t ap ezite paske mwen te panse li t ap pi bon si m te fè tout bagay an fransè oswa anglè. Men yon zanmi fè m sonje: “Pouki ou pa kòmanse ak sa ou deja genyen? Fè l nan lang ou santi w pi alèz la.” Kreyòl se sa ki natirèl pou mwen, e li te bay pwojè a yon touche espesyal ki te fè m pi konekte ak kliyan yo.
Mwen kreye afich ak mesaj pwomosyonèl an kreyòl epi pibliye yo sou rezo sosyal. Rezilta yo te depase atant mwen! Moun yo pa sèlman apresye pwodwi m yo, men yo te fè kòmantè ki montre yo santi yo pi pwòch akòz fason m kominike. M anwiye ak moun, reponn kesyon yo san pwoblèm, e sa kreye yon anviwònman kote kliyan yo santi yo byen.
Leson m aprann: Ou pa bezwen imite lòt moun oswa fòse w sèvi ak lang etranje pou reyisi. Kreyòl pèmèt mwen pa sèlman eksprime tèt mwen lib, men li vin tounen yon zouti kle nan biznis mwen. Kounye a, mwen konprann pi byen fòs ki genyen lè w aji san konplèks nan kilti pa w. Fò w toujou sonje: "Valè se nan sa ou ye ak sa ou deja genyen."