Jou#1
Enpòtans lang kreyòl la pou mwen.
Nan tout peyi ki nan mond lan lang se yon zouti pou tout moun kominike yonn ak lòt.
Nan peyi Ayiti lang kreyòl la se sèl lang tout ayisyen pale konprann , kominike epi revandike yonn ak lòt.
Mwen depi m fèt se sèl lang kreyòl la mwen jwenn tout fanmiy mwen ap pale se li menm yo itilize kòm zouti pou yo dyaloge, kominike, fè mesaj yo pase epi pase revandikasyon yo yonn ak lòt. Se sak fé lang kreyòl vin yonn nan pigwo sakrifis esklav kite sòti nan diferant tribi nan kontinan Afriken an te kite pou nou . Lang kreyòl la se zouti mwen itlize nan nenpòt kote Mwen rive nan peyi a pou m eksprime m epi fè mesaj mwen pase san difikilte, se yon lang mwen fèt ladann epi ki rete kòm yon eritaj esklav yo te ki te pou mwen , se yon lang ki pèmèt mwen aprann plis byen , li epi ekri depi m piti jiskaprezan.
Se sak fè valorize lang kreyòl la se yon obligasyon pou tout ayisyen se sa k ap pèmèt nou gen yon rekonesans ak gwo eritaj sa a ki rantre nan kilti nou kòm zouti pou n konn yonn ak lòt san difikilte.